【鐵板~澳洲和牛】

我好小煮牛排架，因為我鍾意吃中式野多d，同埋我好怕吃未完全熟透 有血 ge肉(⊙ˍ⊙)

呢兩塊喺太古城康怡aeon買的澳洲和牛，大概$38(其實我煎得都幾熟，但都唔un啊)，其實不是特別高級貨式，但配埋迷你鐵板，熱辣辣上枱，好得意啊！！

P.s. 迷你鐵板在上海街買，大概$30

驚喜～

嘩嘩，出版社同事whatsapp我呢張想！！

原來誠品有得買我本書啊(⊙ˍ⊙)
超級驚喜，感動，感激........！！！

幾年前，出版社講過想同我出一系列ge書，當時我以為會爛尾...點知唔覺唔覺，真係有一系列喇≧◇≦ 

多謝讀者支持～

【豬柳強！自製？】

下？？豬柳強(豬柳蛋漢堡)都可以自製？？得架得架！！無呃你！早幾日新聞先話連鎖快餐店的豬柳強有蟲蟲...... :-$ 所以....自製啦！又有得玩 又有得食😇

豬柳強的麵包是English muffin，即是食 egg Benedict 下面果塊包包啊～～唔洗焗爐架，是慢火煎熟的，所以無焗爐都整倒ga~~ 主要材料都是 高筋麵粉、酵母、牛奶、糖，同埋， 玉米粉。有沒有發現豬柳強個包包面頭有一浸粉？？那就是玉米粉喇

------------------------------------------------------------------------------------------------

<< 豬柳蛋漢堡 >> 食譜: (6個)

麵包材料：

•  高筋麵粉 --- 300克
• 牛奶--- 160克
• 糖 --- 1茶匙
• 鹽 ---  少许
• 蛋 --- 1隻
• 牛油 --- 20克
• 即溶酵母 --- 5克
• 粟米麵粉 --- 適量

餡料：

• 豬柳 --- 6塊
• 芝士--- 6塊

做法：

1. 把所有材料（牛油除外）拌勻成粉糰，搓至光滑後加入牛油，继续搓至出現薄膜，蓋上濕布發酵 1小時。
2. 第一次發酵完畢後，分割成 6等份，每份大概85克。
3. 滾圓，沾少許牛奶，底面都沾一些粟米麵粉，把麵糰排在撒了麵粉的碟上，用保鮮膜蓋著。進行第二次發酵，約1/2至 1小時。
4. 燒熱平底鍋，放上麵糰中火每面煎5分鐘左右，盛起，切半。
5. 燒熱平底鍋，下少許牛油，大火煎豬柳兩面至金黃色。
6. 把芝士放在底果塊麵包上，放入小焗爐焗30秒左右，放上豬柳，再放上面果塊麵包，即成。

我同左一個我非常喜歡的日本廚具品牌拍左幾個cooking video啊!(^^)!
幾個禮拜前收到消息confirm有得拍，我開心到飛起，在街上都笑出來（*^_^*）

個日本廚具品牌就是　貝印　喇！！！

真心的感謝給我機會拍攝呀！！
拍了４條片～都是簡單易做的甜品 : D

桂花酒釀丸子

【桂花酒釀丸子】
桂花酒釀丸子，是經典上海甜品，主要就是一堆無餡的迷你湯圓和一個清香的桂花糖水。和廣東湯圓完全相反，廣東湯圓的薑湯又甜又辣好刺激！！而桂花酒釀丸子的糖水則非常溫和清淡，有獨特的花香味～　兩個大不同的享受～快Ｄ煮來試試啦

－－－－－－－－－－－－－－－－－－－－－－－－－－－－－－－－－－－－－

<< 桂花酒釀丸子 >> 食譜: (5碗)

材料：

• 糯米粉 --- 100克
• 粘米粉 --- 1/4茶匙
• 暖水 --- 100毫升
• 酒釀---3湯匙 
• 水 --- 2杯
• 桂花糖 --- 1湯匙 
• 砂糖--- 1湯匙

做法：

1.           把糯米粉和粘米粉放入大碗中，慢慢加入暖水攪拌。

2.           拿出，搓成長條形，然後切粒。搓成丸子形狀，放在沾了糯米粉的食物盒中。 

3.           煮滾一鍋水，加入丸子，煮至丸子脹大浮起就撈出，瀝乾水份，過冷河。

4.           把酒釀和 丸子放入碗內。

5.           煮滾水和桂花糖，加入到碗中，即成。

大家有興趣的話請LIKE以下我的Facebook page緊貼最新食譜^__^

https://www.facebook.com/chichihappycooking

Brioche 法式牛油麵包有點像蛋糕又有點像麵包，咩味？好味囉。不過這個不是我的最愛，我的最愛是公司樓下一間舊式麵包店的腸仔包和菠蘿包呀。

放工去了去石塘咀街市買餸，買了蕃薯，所以做Brioche同時又做了辣薑蕃薯糖水，今次薑味好濃辣到PK，我覺得好正呀！！

大家有興趣的話請LIKE以下我的Facebook page緊貼最新食譜^__^
https://www.facebook.com/chichihappycooking

年年有餘黃金鯉魚桂花糕

鯉魚不只外型討好，新年的鯉魚圖案更象徵年年有餘，非常好意頭。
所以我每年新年都会做鯉魚桂花糕的，又靓又好味啊
係呀，新年都過喇我先黎post食譜。唔緊要，keep住個食譜總有用的~

桂花糖可以去上海鋪買到，例如銅鑼灣的老三陽

<< 年年有餘黃金鯉魚桂花糕 >> 食譜:

材料：

• 桂花糖 --- 1湯匙
• 魚膠粉 --- 10克
• 水 --- 230-240克
• 糖 --- 45克

做法：

1.           把水和桂花糖加入到小鍋中，煮至水滾。

2.           快手加入糖和魚膠粉到鍋中，攪拌拌勻，熄火待涼。

3.           把(2)倒入模中，放入雪櫃冷藏至凝固即成。（通常我會放過夜）

大家有興趣的話請LIKE以下我的Facebook page緊貼最新食譜^__^
https://www.facebook.com/chichihappycooking