【玉米可樂餅】

【玉米可樂餅】

可樂餅？？其實無可樂架╮(╯◇╰)╭

可樂餅即係日式炸薯餅啊(◕‿◕) 主角，當然係薯仔啦～我覺得用焗薯整出來的效果不錯，因為焗薯爽身d～～～另一個主角係....係個 日式麵包糠啊，我本來想買大家都話好正ge日清，但我果日買唔倒，所以改為用apita果隻，大概$8一包300克，效果都幾好wor~~

最後，我把一半的可樂餅用來煎，另一半用來炸，我覺得....煎好味d ^O^

-------------------------------------------------------------------------------------------------------------------

<< 玉米可樂餅 >> 食譜:

材料：

• 薯仔（焗薯） --- 1斤
• 罐頭玉米 --- 1/2碗
• 生粉 --- 2茶匙
• 麵包糠
• 麵粉
• 蛋--- 1隻

做法：

1. 薯仔洗淨，放入水中煮20分鐘至淋身。
2. 隔去水份，去皮。
3. 加入罐頭玉米拌匀。
4. 加入生粉混合。
5. 雙手撲些麵粉，取適量揉圓，再輕輕壓扁成小圓餅狀。
6. 按次序將可樂餅沾麵粉、蛋液和麵包糠。
7. 燒熱油鑊，用中火炸可樂餅至金黃色後盛起，約2分鐘。
8. 用廚房紙索油上碟，拌以沙律醬同吃。
9. 或者，按次序將可樂餅沾麵粉和蛋液，煎熟即可。

【鐵板~澳洲和牛】

我好小煮牛排架，因為我鍾意吃中式野多d，同埋我好怕吃未完全熟透 有血 ge肉(⊙ˍ⊙)

呢兩塊喺太古城康怡aeon買的澳洲和牛，大概$38(其實我煎得都幾熟，但都唔un啊)，其實不是特別高級貨式，但配埋迷你鐵板，熱辣辣上枱，好得意啊！！

P.s. 迷你鐵板在上海街買，大概$30

驚喜～

嘩嘩，出版社同事whatsapp我呢張想！！

原來誠品有得買我本書啊(⊙ˍ⊙)
超級驚喜，感動，感激........！！！

幾年前，出版社講過想同我出一系列ge書，當時我以為會爛尾...點知唔覺唔覺，真係有一系列喇≧◇≦ 

多謝讀者支持～

【豬柳強！自製？】

下？？豬柳強(豬柳蛋漢堡)都可以自製？？得架得架！！無呃你！早幾日新聞先話連鎖快餐店的豬柳強有蟲蟲...... :-$ 所以....自製啦！又有得玩 又有得食😇

豬柳強的麵包是English muffin，即是食 egg Benedict 下面果塊包包啊～～唔洗焗爐架，是慢火煎熟的，所以無焗爐都整倒ga~~ 主要材料都是 高筋麵粉、酵母、牛奶、糖，同埋， 玉米粉。有沒有發現豬柳強個包包面頭有一浸粉？？那就是玉米粉喇

------------------------------------------------------------------------------------------------

<< 豬柳蛋漢堡 >> 食譜: (6個)

麵包材料：

•  高筋麵粉 --- 300克
• 牛奶--- 160克
• 糖 --- 1茶匙
• 鹽 ---  少许
• 蛋 --- 1隻
• 牛油 --- 20克
• 即溶酵母 --- 5克
• 粟米麵粉 --- 適量

餡料：

• 豬柳 --- 6塊
• 芝士--- 6塊

做法：

1. 把所有材料（牛油除外）拌勻成粉糰，搓至光滑後加入牛油，继续搓至出現薄膜，蓋上濕布發酵 1小時。
2. 第一次發酵完畢後，分割成 6等份，每份大概85克。
3. 滾圓，沾少許牛奶，底面都沾一些粟米麵粉，把麵糰排在撒了麵粉的碟上，用保鮮膜蓋著。進行第二次發酵，約1/2至 1小時。
4. 燒熱平底鍋，放上麵糰中火每面煎5分鐘左右，盛起，切半。
5. 燒熱平底鍋，下少許牛油，大火煎豬柳兩面至金黃色。
6. 把芝士放在底果塊麵包上，放入小焗爐焗30秒左右，放上豬柳，再放上面果塊麵包，即成。

我同左一個我非常喜歡的日本廚具品牌拍左幾個cooking video啊!(^^)!
幾個禮拜前收到消息confirm有得拍，我開心到飛起，在街上都笑出來（*^_^*）

個日本廚具品牌就是　貝印　喇！！！

真心的感謝給我機會拍攝呀！！
拍了４條片～都是簡單易做的甜品 : D

桂花酒釀丸子

【桂花酒釀丸子】
桂花酒釀丸子，是經典上海甜品，主要就是一堆無餡的迷你湯圓和一個清香的桂花糖水。和廣東湯圓完全相反，廣東湯圓的薑湯又甜又辣好刺激！！而桂花酒釀丸子的糖水則非常溫和清淡，有獨特的花香味～　兩個大不同的享受～快Ｄ煮來試試啦

－－－－－－－－－－－－－－－－－－－－－－－－－－－－－－－－－－－－－

<< 桂花酒釀丸子 >> 食譜: (5碗)

材料：

• 糯米粉 --- 100克
• 粘米粉 --- 1/4茶匙
• 暖水 --- 100毫升
• 酒釀---3湯匙 
• 水 --- 2杯
• 桂花糖 --- 1湯匙 
• 砂糖--- 1湯匙

做法：

1.           把糯米粉和粘米粉放入大碗中，慢慢加入暖水攪拌。

2.           拿出，搓成長條形，然後切粒。搓成丸子形狀，放在沾了糯米粉的食物盒中。 

3.           煮滾一鍋水，加入丸子，煮至丸子脹大浮起就撈出，瀝乾水份，過冷河。

4.           把酒釀和 丸子放入碗內。

5.           煮滾水和桂花糖，加入到碗中，即成。

大家有興趣的話請LIKE以下我的Facebook page緊貼最新食譜^__^

https://www.facebook.com/chichihappycooking

Brioche 法式牛油麵包有點像蛋糕又有點像麵包，咩味？好味囉。不過這個不是我的最愛，我的最愛是公司樓下一間舊式麵包店的腸仔包和菠蘿包呀。

放工去了去石塘咀街市買餸，買了蕃薯，所以做Brioche同時又做了辣薑蕃薯糖水，今次薑味好濃辣到PK，我覺得好正呀！！

大家有興趣的話請LIKE以下我的Facebook page緊貼最新食譜^__^
https://www.facebook.com/chichihappycooking